Լուսանկարչության մասին քո պատկերացումները այս վարպետաց դասերից հետո հաստատ նույնը չեն լինի։ Սա կլինի լուսանկարչության իրական, անկեղծ կողմը բացահայտելու առաջին քայլը։
Վարպետ՝ Արեգ Բալայան
Ի՞նչ կսովորենք
Արեգ Բալայանը հայ անվանի լուսանկարիչ և վիզուալ արտիստ ա՝ հարուստ ու բազմազան մասնագիտական պատմությամբ։
Հարցուփորձ
Արեգը ծնվել է Երևանում, 1980 թվականի աշնանը։ Իր մասնագիտությամբ անասնաբույժ է, բայց նրա իսկական ճանապարհը սկսվել է մի պարզ, բայց խորիմաստ նվերով։ Մոտ 1995 թվականին պապիկը նրան տվել է իր առաջին ֆոտոխցիկը, և այդպես նա հասկացել է, որ դա իրենն է։
2000-ականների սկզբին, Արեգը երկու ընկերների՝ Կարեն Ազիզյանի և Վահրամ Մխիթարյանի հետ հիմնեց miRED կոչվող ֆոտոարվեստի ստուդիան։ Մի քանի տարի նրանք աշխատեցին միասին, բայց 2005-ի կեսերին Արեգը որոշեց մեծ փոփոխություն անել։ Նա տեղափոխվեց Արցախ՝ ընտանեկան ֆերմա հիմնելու մտադրությամբ։ Ֆերմայի հետ կապված գործերը, այնուամենայնիվ, չստացվեցին, բայց այդ ամենի ընթացքում մի բան անփոփոխ մնաց. նրա անսասան, ներքին կարիքը՝ լուսանկարելու այն ամենը, ինչը շրջապատում էր իրեն:
